Telexornal-Galicia - 06/09/13

Entra en servizo o treito da vía ártabra, unha circunvalación do contorno da Coruña, que enlaza Meirás, en Sada, coa nacional sexta e coa variante de Oleiros. Son 6 quilómetros e medio de vía de alta capacidade que supuxo un investimento de 54 millóns de euros. Evitará o paso por 12 quilómetros de travesías urbanas // Afectados por preferentes montaron en Vigo un mercado de troco na entrada de Novagalicia Banco , escenificando a necesidade na que os deixou o quedaren sen os seus aforros. En Lugo retiraron conxuntamente das contas parte dos seu aforros // Xa se pode adquirir nalgúns supermercados e grandes superficies o leite marcado coa etiqueta que garante a sostibilidade das granxas onde foi producido. 15 empresas transformadoras incorporan nos seus envases a marca, promovida polo Ministerio e que pretende garantir un prezo xusto aos gandeiros. 9 empresas comercializadoras tamén colaboran co proxecto. 06/09/13