Telexornal Galicia 06-05-2026

En perfecto estado atopamos as vacas que a pasada fin de semana protagonizaron un rescate case case de película. Tiveron que ser evacuadas en helicópero unha a unha despois de quedar atrapadas nun barranco da Ribeira Sacra onde fuxiran seguramente asustadas polo lobo | A Xunta inicia os trámites para reactivar as explotacións mineiras de Corcoesto, San Finx e Santa Comba, na provincia da Coruña. Asegura que os xacementos conteñen metais como Ouro, Wolframio ou Estaño, por valor duns 7.000 millóns de euros e permitirían a creación duns mil postos de traballo | Un galego procedente de Cariño, continúa a bordo do cruceiro afectado polo hantavirus, atracado fronte a Cabo Verde. O goberno central autorizou que faga escala en Canarias, anque coa oposición do executivo autonómico canario | Cunha etapa entre Monforte e Antas de Ulla, a volta ciclista a España feminina despídese de Galicia. A francesa Cédrine Kerbaol proclamouse gañadora na última etapa, entre Padrón e A Coruña