Telexornal-Galicia - 05/11/13

A Audiencia Provincial da Coruña deixa sen efecto a imputación do actual Presidente do ADIF e os seus dous últimos predecesores que foran citados a declarar polo Xuiz que instrúe o sumario polo accidente de tren do pasado verán en Santiago. A audiencia estimou o recurso presentado polo administrador ferroviario contra estas tres imputacións e outros 18 membros de varios consellos de administración do ente público // O paro sube en Galicia por segundo mes consecutivo e a Seguridade Social perde máis de catro mil cincocentos afiliados. Na nosa comunidade o desemprego aumentou en outubro un 2,87%. Case sete mil cincocentas persoas quedaron sen emprego // Malestar entre a comunidade universitaria polo recorte, co curso xa comezado, nas becas Erasmus que onte anunciaba o ministerio de educación. 05/11/13