Telexornal Galicia 02-09-2026

O paro aumentou un 2,2 por cento en agosto en Galicia, máis que a media do conxunto do estado. Os servizos e, en menor medida, a agricultura e a industria son os sectores nos que máis se incrementou | Dentro dunha semana comeza o curso escolar, pero nos colexios xa están traballando para que todo arranque sen problemas. Limpar, ordenar, organizar programas e actividades... | Na Ribeira Sacra xa están en plena vendima. Comezaron a colleitar a uva a mediados de agosto, máis cedo que nunca nesta denominación de orixe. Agardan recoller 5.500 toneladas | As familias de acollida despídense estes días dos nenos saharauís dos campamentos de refuxiados de Tinduf cos que compartiron o verán. Galicia é a comunidade que máis nenos acolle no programa Vacacións en Paz. Este ano foron máis de 300. 02-09-2026