Telexornal Galicia - 01/12/15

Tres persoas da mesma familia faleceron esta mañanciña no incendio da súa casa na aldea de Ribeira, pertencente á parroquia de San Simón da Costa, en Vilalba. Os falecidos son un matrimonio de máis de 80 anos e a súa filla duns 50 // Preocupación en Vigo tras a anulación do plan urbanístico por sentenza firme do Tribunal Supremo. O Alto tribunal estimou un recurso dunha asociación veciñal e declarao nulo, ao considerar inxustificado que o Plan Xeral de Vigo non se sometese a unha avaliación ambiental estratéxica // Presentan en Ourense as etapas da Volta a España que discorrerán pola provincia. A ronda ciclista arrancará o 20 de agosto cunha crono por equipos que sairá do balneario de Laias e rematará no Club Náutico de Castrelo de Miño. Outras tres etapas partirán da cidade de Ourense, Maceda e a Ribeira Sacra. 01/12/15