Telexornal Galicia 2 23-11-2021

Por un finanzamento autonómico que teña máis en conta a despoboación. E o acordo dos oito presidentes reunidos en Santiago, nunha fronte, din, que non vai contra ninguén, pero que quere evitar un novo sistema a base de negociacións bilaterais. // Asociacións de persoas xordas concentranse diante do Parlamento, para pediren recursos para o alumnado. Nos colexios precisan máis especialistas en audición e linguaxe, intérpretes en lingua de signos e terapeutas. // Un a través do futbol, outra paseando polas súas lembranzas. O noso compañeiro Xabier Fortes e a súa irmá Susana veñen de publicar senllos libros que son, cada un ó seu xeito, unha homenaxe a Pontevedra, a cidade que os viu nacer. O de Susana Fortes titúlase "Pontevedra, tal como éramos", e o de Xabier, "Crónicas cancheras". // Nenos do Courel e do Incio que explican o que é para eles a igualdade. Os seus testemuños forman parte da iniciativa "Da mesma raíz" para concienciar contra a violencia de xénero desde o rural. 23-11-2021