A sardiña volverá mollar o pan polo San Xoán

Mañá pola noite é o San Xoán e nas lonxas e mercados a atención está posta na sardiña. As embarcacións teñen un tope de captura de 7.500 quilos á semana. Os prezos nestas xornadas previas están en torno ós 2 euros o quilo na lonxa e 8 nas prazas de abastos, aínda que esas cifras irán subindo nas próximas horas, conforme aumente a demanda. Na lonxa, a venda máis importante vaise facer esta noite. Agárdase moita cantidade. Fresca e puntual, para cumprir coa tradición.