Galicia en 2 minutos 17-09-2021

Dende Madrid espera a ser trasladado á Coruña, a declarar polo Asasinato de Mónica Marcos. O presunto autor, que era parella da vítima, viaxara ata a capital en avión, despois do crime. // A incidencia da covid non deixa de baixar, hoxe sitúase en 80 casos por 100.000 habitantes con pouco máis de cen novos contaxios rexistrados no último día, a piques de entrar en vigor o levantamento das restricións para xuntanzas nocturnas. // Produtores de vacún reparten unha tonelada de carne de balde nas rúas de Santiago para denunciar a caída dos prezos. Din que o que lles pagan xa está por debaixo do custo de produción e a crise ameaza as 11.000 explotacións que hai en Galicia. // Arranca a vendima na denominación Rías BAixas coa participación dunhas 15.000 persoas. Os viticultores esperan acadar cifras record de cantidade e prezo da uva, coas adegas en plena recuperación de vendas. 17-09-2021