Telexornal Galicia - 06/11/20

O sector da hostalaría deixa sentir o seu malestar con ruidosas protestas contra o peche practicamente total que esta medianoite entra en vigor nas cidades e areas metropolitanas. Os empresarios consideran insuficientes as axudas prometidas pola Xunta. //Os casos activos superan hoxe a cifra de 10.000. Supón o dobre dos que se rexistraban hai só tres semanas. A presión asistencial segue en aumento, con cerca de 600 pacientes hospitalizados, 85 na UCI. Os peores datos corresponden a área sanitaria de Vigo, que duplica a incidencia rexistrada en abril. //O Celta enfróntase esta noite ao Elche, un partido vital para cambiar a dinámica de seis encontros sen gañar e que podería decidir a continuidade do adestrador Óscar García. Na segunda o Lugo, tras cinco partidos sen derrota, visita mañá ao líder na táboa, o Español. 06/11/20