Telexornal Galicia - 01/10/20

Ximnasia nos corredores, para evitar zonas comúns, controis rigorosos de entrada e moita desinfección. Así loitan contra os contaxios nesta Residencia de Lalín, logo de superar un episodio de casos positivos. No Día internacional do Maior, botamos unha ollada a cómo son atendidas as persoas de máis idade nestes tempos de pandemia.// Os casos activos ascenden lixeiramente, ata 4.259 .//O impacto da crise sanitaria na saúde e na economía internacional, será o tema que analizarán políticos, empresarios e intelectuais que se dan cita na Illa da Toxa, no foro que será inaugurado esta tarde polo rei Felipe VI e o presidente de Portugal, Marcelo Rebelo de Sousa. // O Concello da Coruña permite aos locais de lecer nocturno cambiar provisionalmente de licenza para que poidan abrir cos mesmos horarios e condicións de bares e cafeterías. 01/10/20