Telexornal Galicia 2 - 14/09/16

O pai e a irmá pequena de Diana Quer, a moza desaparecida na Pobra do Caramiñal hai máis de tres semanas, volveron hoxe a Galicia, dentro do proceso paralelo pola custodia da irmá pequena. O avogado da nai desmentiu que a proxenitora figure coma sospeitosa da desapariciòn da moza // A cabeza tractora do tren Celta que descarrilou o pasado venres, no Porriño, causando 4 mortos e case medio cento de feridos, segue ao carón da vía, nesta localidade pontevedresa, á espera de que os peritos que investigan o accidente analicen se houbo algún fallo técnico // O avogado da familia de Tatiana Vázquez, a moza asasinada de 50 coiteladas, asegura que hai probas concluintes de que foi un crime premeditado e que o acusado foi gravado por cámaras de seguridade ocultando un obxecto que podería ser o coitelo do crime. 14/09/16