Telexornal Galicia - 12/09/16

Cambia o tempo. Despois dun verán seco e caluroso, as nubes van ir cubrindo toda Galicia segundo se vai achegando unha fronte activa que deixará chuvascos cara o final do día empezando polo oeste da comunidade. Chuvias intensas que se prevén para esta noite na que estára activa unha alerta amarela nas provincias da Coruña, Ourense e Pontevedra // Este luns 12 de setembro é tamén o día de volta ao cole para os máis pequenos. Máis de 200 mil nenos de infantil e primaria volveron hoxe ás aulas despois das longas vacacións de verán. Este ano serán menos sobre todo en infantil, onde hai matriculados máis 60 mil nenos // O xulgado aínda non autorizou o traslado dos restos da cabeza tractora do tren que descarrilou no Porriño, causándolles a morte a catro persoas. Nove feridos seguen aínda hospitalizados e mañá empezaranse a recuperar os datos técnicos da caixa negra do tren, tratando de averiguar as causas do sinistro. 12/09/16