Telexornal Galicia - 16/08/16

A situación mellorou considerablemente, nas últimas horas, no tocante aos incendios forestais. Ao longo desta mañá, os equipos de extinciòn centráronse, sobre todo na provincia de ourense en dous lumes xa estabilizados ou controlados, o de Melón, na parroquia de quins, onde arderon algo máis de cen hectáreas e o de Navea, en Trives, onde se queimaron case duascentas // A policía autonómica investiga a aparición de candeas noutro incendio en Ourense, en Padrenda. No que levamos de ano xa detiveron a máis 40 persoas presuntamente por ter provocado lumes, unha das últimas a muller de Cerceda que está en prisión provisional sen fianza dende a pasada fin de semana // Este martes, 16 de agosto, aínda segue a ser festivo para moitos porque se celebra San Roque, patrón de moitas vilas galegas. Entre as celebracións máis multitudinarias hoxe está a festa da auga de Vilagarcía, onde este mediodia se daban cita milleiros de persoas. 16/08/16