Comeza o xuízo pola morte de Yoel Quispe na Audiencia Provincial da Coruña

Arranca na Audiencia Provincial da Coruña o xuízo con xurado popular polo asasinato de Yoel Quispe na madrugada da Noiteboa do 2023. O mozo, de 22 anos, regresaba á casa despois dunha noite de festa e foi mortalmente acoitelado nunha liorta.

No banco dos acusados sentan tres persoas. A Fiscalía pide 14 anos de cadea para o presunto autor do homicidio, que está actualmente en pisión provisional tras recoñecer que foi quen apuñalou á vítima. Os outros dous acusados son considerados cooperador necesario e cómplice.