A vacinación fronte á gripe comeza o 28 deste mes

A Consellería de Sanidade reforza a protección das persoas maiores e dos nenos na nova campaña da gripe, que comezará o luns 28 de setembro nas residencias de maiores e concluirá o 31 de decembro. As persoas a partir de 65 anos recibirán a vacina de alta carga, que xa se administrou o ano pasado aos maiores de setenta. E o programa piloto de vacinación nos colexios amplíase a 75 centros escolares, vinte máis que o curso anterior.