Telexornal Galicia 04-10-2021

Axentes xudiciais Investigan cómo puido ocorrer a caída repentina dunha árbore, que causou a morte da muller que asistía entre o público a un concerto fronte ao Balneario de Mondaríz. O marido tivo que ser hospitalizado e hai outros tres feridos leves. // Os datos do paro do mes de setembro recollen un en Galicia un aumento dos desempregados en 1.790, o 1´18 por cento, fronte a un descenso histórico de 76.000 no conxunto de España. // A importancia do peixe para a saúde centra o Congreso FAO- Conxemar que inaugurou esta mañá en Vigo a raiña Leticia, embaixadora do organismo de Nacions Unidas para a nutrición. // Un equipo de arqueólogos trata de localizar en Padrón unha das pezas emblemáticas da tradición xacobea. A pedra na que se supón que se pousou o corpo do Apóstolo, no desembarco en Galicia. Venerada polos primeiros peregrinos, cren que debeu quedar logo sepultada no recheo do río Sar. 04-10-2021