Novena edición do concurso de cancións en lingua de signos

O colexio ourensán Terras de Maside e o instituto coruñés A Sardiñeira foron os grandes protagonistas da novena edición do concurso 'Cantando coas mans', no que participaron quince centros educativos. O certame, organizado pola Federación de Asociacións de Persoas Xordas de Galicia, ten como obxetivo visibilizar e normalizar a lingua de signos. Na gala, que tivo lugar na Cidade da Cultura, actuaron os alumnos gañadores do premio do xurado e o premio do público e tamén os catro colexios galardoados coa mención de honra.