Crónica de Galicia - 07/05/24

Críticas á Xunta pola política económica despois de que o Consello de Contas apuntase nun informe a unha falta de transparencia no financiamento sanitario. Sinala que en 2022 houbo gastos superiores ós reflectidos nos orzamentos iniciais do goberno galego.

A CIG considera que os datos confirman a falta de eficacia na xestión do Sergas durante a etapa de Alberto Núñez Feijóo na Xunta: con financiamento opaco, di o sindicato, que ocultou a privatización. 

Críticas tamén desde a oposición. Os socialistas cualifican de alarmantes os datos sobre a xestión económica da administración pública.