Telexornal Galicia 2 09-06-2021

Sen límite para as reunións de non conviventes ao aire libre, a partir do sábado. A Xunta anula tamén a restrición nos domicilios de 1 a 6 da madrugada e autoriza xuntarse ata 15 persoas nas terrazas. Núñez Feijóo quere reabrir o lecer nocturno o 1 de Xullo. // A partir de xullo o Sergas empezará a inmunizar aos menores de 4o anos .Será un modelo mixto , con citación común e voluntaria, para que os cidadáns poidan decidir cándo queren ser vacinados. Continúa tamén a repesca dos de máis idade que non puideron atender ás primeiras citas. // Asociacións agrogandeiras de distintos puntos de España piden ante o Ministerio de Transición Ecolóxica que non se inclúa o lobo no catálogo de especies de especial protección, como está previsto a partir do próximo 25 de setembro. // Hoxe é o Día Internacional dos Arquivos e a Cidade da Cultura celébrao coa exposición "Camiños, paisaxe e patrimonio", que exhibe as diferentes rutas históricas do Camiño de Santiago. A mostra recolle as paisaxes, bens mobles e inmobles que está situados ao longo das vías de comunicación xacobeas.. // 09-06-2021