Telexornal Galicia 18-06-2021

Loito en Portosín polo falecemento de dous mariñeiros, no naufraxio do cerqueiro Sempre Güeto, que emborcou nas proximidades de Cedeira. Os outros oito tripulantes puideron ser rescatados polo grupo de embarcacións que volvían da costeira do bocarte no Cantábrico. // Continúa o avance da vacinación e xa son case millón e medio os galegos con algunha dose. En Ourense celebran a administración da dose número 300.000 na provincia. Un fito que chega cunha repunta de casos activos na cidade. // A praia de Rodas, no parque das Illas Atlánticas, serve de marco para a entrega das 111 bandeiras azuis que lucirán as praias de 35 concellos galegos este verán. Son o 20 por cento de todas as de España. // Once campamentos de lexionarios romanos e de tribus galaicas ocupan o centro da cidade. E o Arde Lucus, a popular festa de recreación histórica que arranca en Lugo una edición en formato reducido. 18-06-2021