Telexornal Galicia 30-12-2025

José Tomé formaliza a súa renuncia á presidencia da Deputación de Lugo tralas denuncias de acoso sexual na canle interna do PSOE. Efrén Castro, do BNG, asume provisionalmente a presidencia | Deixa a Presidencia, pero mantense como deputado provincial, polo que o seu voto vai ser determinante na elección da persoa que o suceda, que aínda non está acordada. José Tomé tamén segue como alcalde de Monforte, como non adscrito, trala súa saída do PSOE | O presidente do Parlamento pide evitar os extremismos políticos na tradicional cerimonia que conmemora o traslado dos restos do Apóstolo Santiago dende Palestina ata onde está agora na Catedral. O arcebispo reclámalle ás institucións que atendan a crise da vivenda e a acollida dos migrantes | Remata 2025 e hoxe imos lembrar unha das noticias do ano. O agosto negro dos incendios forestais. Foron os máis extensos que se recordan.