Telexornal Galicia 29-10-2025

Taxis chegados dende distintos puntos das provincias da Coruña e Pontevedra, colapsan a cidade de Santiago, nunha protesta contra os Vehículos de Transporte con Condutor. Piden que a Xunta limite a concesión de novas licenzas e que se controle súa actividade | Os usarios da AP-9 poderán recuperar parte das peaxes abonadas durante os traballos de ampliación da ponte de Rande. Así o establece a sentenza do Tribunal Supremo, que condena a Audasa por incorrer, di, nunha práctica abusiva ao manter o cobro íntegro pese aos atascos provocados polas obras | Os especialistas advirten da importancia dunha axeitada hixiene bucal na prevención do ictus, o accidente cerebrovascular, que sofren cada ano unhas 7.000 persoas en Galicia, e do que hoxe se celebra o Día mundial | Sorpresa no estadio do Couto, coa vitoria do Ourense Club de Fútbol que pasa á seguinte rolda da Copa ao eliminar ao Oviedo, de primeira división por 4 goles a dous.O racing de Ferrol superou tamén a eliminatoria, aos penaltis, en Langreo. O Negreira, da Liga Preferente, caeu por cero a tres ante a Real Sociedade