Telexornal Galicia 26-02-2026

O buque oceanográfico Vizconde de Eza, construido en Vigo, cumpre 25 anos de actividade, con máis de 200 campañas científicas feitas. É o máis veterano dos que dispoñen as autoridades en España para recompilar datos biolóxicos das especies de especial interese para a unha pesca sostible | Representantes da plataforma estatal presentan ante a valedora do Pobo 30.000 sinaturas para reclamar un cambio na Constitución para incluir a prohibición de que se poida recortar ou privatizar o sistema de pensións, e que se manteña o poder adquisitivo dos xubilados | O cultivo de aguacate cobra forza en Galicia, sobre todo en zonas onde é especialmente beneficiado polas condicións climáticas como o Salnés e o Baixo Miño, onde algúns produtores sustitúen viñedos con plantacións deste produto | Nova oportunidade do Celta para pasar a oitavos de final da Europa League. A cita será ás 9 en Balaídos ante o Paok de Salónica. Un equipo que chega moi debilitado polas baixas, pero que recupera ao seu máximo goleador