Telexornal Galicia 26-01-2025

Vivendas en risco de inundación no interior da provincia de Pontevedra, onde a chuvia non da tregua. A Xunta suspende as clases nesa zona e recomenda a máxima precaución. O temporal afecta tamén ao tráfico ferroviario entre Ourense e Santiago, e ao transporte marítimo da Ría de Vigo | O acordo entre as partes evita a celebración do xuizo polo crime no que resultou morto o propietario dunha carnicería na praza de Abastos de Santiago, ocorrido en 2024. Os acusados aceptan unha condea de 11 anos de prisión e unha indemnización de 580.000 euros á familia da vítima | Arranca a campaña electoral na Univesidade de Santiago. Por primeira vez nos seus cinco séculos de historia, serán catro mulleres as que competirán para dirixir o Reitorado | “Los Domingos", a película de Alauda Ruiz de Azúa, gran protagonista da gala de entrega, en Pontevedra, dos premios Feroz, con cinco das nove categorías ás que estaba nominada. Sirat, de Oliver Laxe, queda coa distinción ao mellor son e ao mellor trailer