Telexornal Galicia 25-03-2026

Rueda anuncia no Parlamento un plan de 150 millóns de euros para os sectores máis afectados pola guerra en Irán. Di que incluirá axudas a empresas que comercian en Oriente Medio e a transportistas, sector agrícola e marítimo, xunto cun aumento das pensións non contributivas | Remata a folga de médicos de atención primaria, tralo acordo entre o sindicato O Mega e a Consellería de Sanidade. Entre as medidas acadadas, non superar os 30 pacientes atendidos por día. O conflito supuxo a cancelación de cerca de 80.000 consultas nas últimas tres semanas | Nova marcha de taxis, en caravana, polas rúas da Coruña, en protesta contra o incremento de Vehículos de Transporte con Condutor, que din, seguen a realizar servizos urbanos, pese a que o prohíbe a normativa | Converter os residuos plásticos que acaban nos océanos nun material que axude a loitar contra a contaminación. É o obxectivo do proxecto Polybris, do Instituto de Investigacións mariñas, en Vigo, en colaboración coas confrarías