Telexornal Galicia 24-12-2025

Moita actividade esta mañá nos mercados, a poucas horas da cea de Noiteboa. Apurando as últimas compras para unha das reunións familiares máis tradicionais. Hoxe todo está un pouco máis caro | Os que anticiparon a preparación da cea ou teñen a sorte de que cociñen por eles, están xa de festa. Rúas e prazas de toda Galicia están arestora cheas de xente que comezou cun aperitivo que, en moitos casos, se vai prolongar ata a noite | Día de reencontros familiares e con amizades. Unha data especial para as persoas que viven lonxe dos seus fogares e aproveitan para volver a casa. Nos aeroportos hai moito movemento e, sobre todo, moitas emocións | Visitamos o Belén de Valga, a maior representación do nacemento artesanal con movemento de Galicia. 4.000 figuras ás que lle dan vida 300 motores. Combina a tradición do Nadal coa retranca social e política