Telexornal Galicia 23-09-2025

Terceira semana sen alumnos no colexio Ana María Diéguez de Rianxo. Os pais néganse a levar aos fillos ata que non se dote ao centro de máis profesorado de apoio | O Partido Popular fixo valer a sua maioría absoluta para rexeitar, no Parlamento, a creación dunha comisión para investigar a vaga de incendios deste verán con 140.000 hectáreas calcinadas. Unha proposta formulada polo BNG, que si contou co apoio dos socialistas e de Democracia Ourensana | A ocupación dos hoteis galegos descendeu un 2´5 por cento no mes de agosto respecto ao mesmo mes do ano anterior. Segundo os datos do INE, aumentan case un 6 por cento, ata situarse nunha media de 140 euros por noite | A denominación de Orixe Mexillón de Galicia cumpre 18 anos, cunha xornada para exaltar o seu produto, o primeiro do mar que conseguiu en Europa o distintivo de calidade