Telexornal Galicia 22-09-2025

A chuvia débil e a baixada de temperaturas facilita os labores de loita contra o lume no incendio de Ferreira de Pantón, o único que segue activo en Galicia, logo de arrasar máis de 2.000 hectáreas e de queimar varias casas | En Monforte continúa aberta a investigación sobre o ataque con cócteles molotov contra o local onde está previsto acoller oitenta menores migrantes. A Xunta anuncia que reforzará a seguridade e mantén a intención de abrir o centro con 15 menores en espera de ser acollidos | Comenza unha nova campaña de vacinación do virus respiratorio sincitial dirixida a tolos bebés nacidos nos hospitais galegos | A realidade cotiá de atender a unha persoa con alzheimer. É o testemuño de primeira man, que nos ofrece a filla de Olga, diagnosticada hai dez anos. En Galicia son uns 100.000 afectados por esta enfermidade e as familias dedican unhas 70 horas semanais aos seus coidados