Telexornal Galicia 21-10-2025

A Xunta non pedirá ao Goberno Central as competencias en salvamento marítimo e a loita contra a contaminación mariña. A maioría do Partido Popular rexeita no Parlamento a proposta do BNG apoiada polos socialistas para asumir a xestión desas materias, ao ter máis de 1.700 quilómetros de costa e unha frota de 4.000 embarcacións | Xuntanza, en Santiago, de representantes das comunidades autónomas no Comité Europeo das Rexións. O presidente da Xunta, que exerce de anfitrión, xustifica a negativa a facilitar ao Ministerio de Sanidade datos dos cribados de cancro de mama | Polémica en Vigo polo anuncio de peche da pensión máis antiga da cidade. Os grupos da oposición reclaman ao goberno municipal alternativas para os 21 inquilinos, persoas con baixos recursos que quedarán na rúa, ante a falta de alternativas de vivenda accesible | O conflicto de Palestina, protagonista da nova edición do Festival de Cine e Cultura árabe Amal, que arranca en Santiago. Na inauguración, O xornalista palestino Yousef Hammas, presenta a sua obra documental sobre a guerra de Gaza