Telexornal Galicia 21-08-2025

O lume amaina pero está aínda lonxe de rematar. Cinco grandes incendios seguen avanzando sen control e no que vai de vaga xa queimaron en Galicia máis de 87.000 hectáreas, unha cifra histórica | Perdéronse animais, ardeu algunha granxa, pero o que máis preocupa agora aos gandeiros afectados polos incendios é como alimentar os que se salvaron. Hai explotacións en extensivo que perderon os seus pastos e teñen que recorrer á herba seca, con máis gastos | Comeza a vendima en Valdeorras, unha comarca que segue sufrindo a vaga de lumes. As viñas fixeron de cortalumes, pero hai incerteza por como lle afectarán á uva as altas temperaturas e o fume | A pintora e ilustradora Lara Pintos crea representacións poéticas do espazo. Hoxe é a protagonista de 'Eu Son', a nosa sección dedicada á nova creación galega. Dende A Coruña, fala da súa paixón por reflectir o íntimo e cotiá