Telexornal Galicia 2 - 28/10/15

Activado o protocolo por un posible caso de ébola. Ó hospital do Meixoeiro de Vigo foi trasladado un home guineano de 24 anos que acodira a urxencias do hospital da Coruña con síntomas compatibles con esa doenza. Hoxe coñeceranse os resultados das primeiras probas. O venres sería cando se puidese descartar definitivamente e existencia dun caso de ébola.

Confirmase que o neno que faleceu en Boiro padecía meninxite. Ainda sen determinar se foi B ou C . O neno morreu ao pasarlle ao torrente sanguíneo un meningococo, unha bacteria da que moitas persoas son portadoras e que lle provocou a morte en menos de 24 horas

Terceiro día de deliberación para os nove membros do xurado que teñen que decidir sobre a inocencia ou culpabilidade de Rosario Porto e Alfonso Basterra. Levan incomunicados dende a tarde do luns para emitir un veredicto polo asasinato da pequena Asunta. (28/10/15)