Telexornal Galicia 2 25-07-2025

Recuperar a credibilidade das institucións ante a corrupción e non usar os migrantes e refuxiados como arma política. Nisto coincidiron o presidente da Xunta, que actuou como delegado rexio na ofrenda ao Apóstolo Santiago, e o arcebispo na súa resposta | Os líderes políticos da oposición acudiron as súas citas habituais nesta data. Ana Pontón encabezou a manifestación do BNG en Santiago. Mentres, o secretario xeral do PSdeG, José Ramón Gómez Besteiro, fíxolle a ofrenda floral a Castelao, en Rianxo | O festivo trae consigo moita celebración e turismo, especialmente na capital galega. Os peregrinos converxen cos visitantes que elixen Santiago para gozar desta fin de semana | Máis do 30 % dos peregrinos que chegan a Santiago comezan a súa andadura en Sarria. Ser o punto mínimo de percorrido para obter a Compostela fai que moitos o escollan. A ruta francesa supón unha actividade económica cada vez máis importante para esta vila de Lugo