Telexornal Galicia 2 23-07-2025

Vigo convértese na terceira cidade galega en implantar unha taxa turística. A nova medida, que gravará con ata dous euros por viaxeiro e noite, afectará a hoteis, vivendas turísticas e aos viaxeiros que chegan en cruceiros | Os hoteis galegos superaron o millón de estancias en xuño, cun crecemento do 5%, pero a estancia e a facturación seguen por baixo da media estatal | A Universidade de Santiago aproba un convenio co Sergas para agregar os hospitais e os centros de saúde de todas as áreas sanitarias de Galicia. Unha decisión que a da Coruña considera unha apropiación de recursos | Os traballos de demolición da central das Pontes avanzan ca reciclaxe de ata o 90 por cento dos residuos xerados. Os responsables conta con rematar os traballos en xullo de 2028 | O Concello de Vilagarcía cancela o concerto de Mago de Oz do próximo 19 de agosto por tratar con frivolidade a prostitución e as drogas. Tamén houbo polémicas por outros concertos como o de Juan Luis Guerra en Sanxenxo |