Telexornal Galicia 2 20-06-2025

Un pouquiño máis cara pero de calidade excelente... é o que comentan os pescadores que esta mañá vendían na lonxa a sardiña a 5 euros de media, se ben os usuarios pagámola nos supermercados e prazas case ao dobre: uns 9 euros | Fin das testemuñas no xuízo polo crime de Elisa Abruñedo. O asasino confeso fixo uso da palabra. O obxecto de veredicto entregarase o mércores | Desartellada unha banda que estafaba a persoas maiores simulando ventas nas que as vítimas facían contratos de financiamento | Dous detidos e máis de 70 quilos de droga incautada en Vigo | O pleno da Real Academia Galega escolle a Begoña Caamaño pola riqueza e madurez da obra literaria da escritora viguesa. Tamén pola a súa traxectoria nos medios públicos | Máis de 3.500 participantes chegados de todas partes de España e ata de 60 países recollían esta mañá as súas credenciais para participar no Multisport, un campionato de ata seis modalidades deportivas para profesionais e afeccionados | Luz Casal é Marquesa de Luz e Paz. Convértese nunha dos 6 primeiros nobres do reinado de Filipe VI que ata o de agora non concedera ningún título