Telexornal Galicia 2 20-01-2026

Atascos e dificultades de tráfico en Santiago, recollidas na sala de pantallas da policía local, nunha nova xornada de folga do transporte de viaxeiros na provincia da Coruña | O sector da pesca volve hoxe á actividade logo do acordo acadado en Madrid co Ministerio para modificar o Regulamento de control de capturas aprobado pola Unión Europea. Entre as normas que consideraban imposibles de cumprir para as embarcacións pequenas, está a das pesaxes a bordo, que xa non terán que ser máis que unha estimación| Luz verde para o modelo descentralizado dos estudos de Medicina. O acordo entre os conselleiros de Sanidade e Educación da Xunta e os reitores das tres universidades galegas asinabase esta mañá con satisfación por todas as partes | 2025 foi un ano extremadamente cálido cunha temperatura media de 14,7 graos. Así figura no informe de Meteogalicia, que destaca tamén a calor e seca durante o verán, co mes de xuño máis cálido dende que hai rexistros. Tamén choveu máis, cun 18 por cento máis de precipitacións |