Telexornal Galicia 2 - 16/11/15

Concentración diante da factoría do grupo francés PSA- Peugeot- Citroën en Vigo en repulsa polos salvaxes atentados de París, do venres pola noite. Todas as institucións galegas, dende a Xunta á concellos e Delegación do Goberno secundaron en rúas e edificios administrativos concentracións coma as que houbo por todo o continente // Comezou en Vigo a vista contra os dezaoito acusados de tratar de introducir preto de 3.000 quilos de cocaína a bordo do pesqueiro Riptide en xuño de 2013. Piden 21 anos de cadea e 800 millóns de euros de multa para os cabeciñas da organización nun xuízo que se prolongará ata a semana que vén // Mes e medio despois do previsto, hoxe empezou a venda das viaxes do Imserso en Galicia. O conflicto entre as concesionarias do servizo demorou o proceso. Entre os destinos máis solicitados, a costa de Levante. En quince minutos cubríronse todas as prazas. 16/11/15