Telexornal Galicia 2 16-10-2025

A cidade de Ferrol será declarada polo Goberno lugar de Memoria Democrática. Unha decisión que xustifica por razóns históricas de loita pola liberdade e a democracia | O presidente da Xunta anuncia en Madrid a baixada de cinco puntos no imposto de transmisións patrimoniais para colectivos coma menores de 35 anos ou familias numerosas e monoparentais | Os estranxeiros mercaron un 14% máis de vivendas en Galicia na primeira metade do ano, situando á comunidade como a terceira con maior incremento, despois de Asturias e Castela e León | Hoxe é o día internacional do Pan. De media en Galicia cada persoa consume 32 quilos deste alimento ao ano, sobre todo pan fresco non industrial, unha cifra superior a media estatal | A escritora compostelá Ángela Banzas, finalista do Premio Planeta pola súa novela "Cuando el viento hable"