Telexornal-Galicia 2 - 16/05/14

Presentada a primeira páxina web baixo o dominio PUNTO GAL. Un dominio que vai servir para facer referencia á nosa comunidade, similar ao PUNTO ES ou PUNTO COM, aos que estamos afeitos. Os prazos e fórmulas para incorporarse a este PUNTO GAL foron presentados hoxe. Poderase empezar a usar o próximo 25 de xullo // Unha sentenza da Audiencia de Pontevedra anula catro das cláusulas máis habituais que impoñen os bancos seus clientes ao contratar unha hipoteca. O tribunal considera desproporcionado que a entidade bancaria fixe un interese de demora dun 18% // Prohibidas as queimas controladas polas condicións meteoróloxicas. A Xunta decidiu suspender os permisos autorizados polas previsións de calor e vento forte. Tamén se pide colaboración cidadá para extremar as precaucións e denunciar os lumes. 16/05/14