Telexornal Galicia 2 15-10-2025

Detida na Coruña Remedios Sánchez, a asasina de aciáns que cumpre condena no cárcere de Teixeiro por crimes anteriores cometidos en Barcelona. Os investigadores cren que puido aproveitar un permiso penitenciario para acabar aquí coa vida doutra muller, de 91 anos, que vivía soa | A consellería de Política Social pecha una residencia de maiores en Xinzo de Limia tras detectar deficiencias nos coidados en aspectos sociosanitarios e de alimentación | Diversas concentracións sucederánse ao longo do día en mostra de solidariedade con Palestina, tralas folgas e paros convocados polos principais sindicatos. Todos coinciden no rexeitamento do acordo de paz, por non contemplar a resposta israelí coma un xenocidio. Pero, con discrepancias entre eles | A Garda Civil investiga a unha persoa e ten outras dez identificadas polos disturbios tralo Pleno da Mancomunidade do Morrazo do pasado luns, que aprobou a subida da taxa do lixo, conxelada dende 2008, ata os 126 euros | A Real Academia Galega rende hoxe homenaxe, en Lugo, a Paco Martín, primeiro autor en galego en recibir o premio nacional de literatura, hai catro décadas, pola sua obra Das Cousas de Ramón Lamote