Telexornal Galicia 2 15-09-2025

Adrián Ben á final dos 1500 metros no Campionato do Mundo de Atletismo en Tokio. O viveirense, sendo fiel ao seu estilo, correu de menos a máis na súa semifinal. Fixo un cambio de ritmo na última volta e afrontou os últimos 100 metros nos postos de cabeza| En Barreiros, na Mariña de Lugo quedou estabilizado o incendio forestal que afecta á parroquia de Celeiro de Mariñaos. Os cinco brigadistas feridos de gravidade nas tarefas de extinción seguen ingresados na unidade de queimados do hospital da Coruña | Máis de 2.600 vivendas de Galicia ofertadas para o turismo deberán ser retiradas dos portais que as publicitan. Son aproximadamente 1 de cada cinco das que solicitaron o número de rexistro obrigatorio dende xullo | Comeza en Santiago o 'Primeiro Encontro' dedicado a peregrinos procedentes de Estados Unidos, o país que encabeza a lista de orixe dos viaxeiros que obteñen a Compostela, este ano xa suman preto de 30.000 |