Telexornal Galicia 2 13-01-2026

Protesta de taxistas, na Coruña contra a proliferación de vehículos de VTC como Uber ou Cabify. Din que máis do 80 por cento dos servizos que prestan son en percorridos urbanos, pese a que o prohibe a normativa | Os condutores de autobús da provincia da Coruña volven estar de folga e, unha vez máis, non están circulando os servizos mínimos. Hoxe achegámonos a colexios e institutos para ver como afecta ás familias que utilizan o transporte escolar | A comisión federal do PSOE ratificou a candidatura de Carmela López, á presidencia da Deputación de Lugo. A alcaldesa de Burela sustituirá a José Tomé, acusado de acoso sexual a varias mulleres | O Sergas convoca a todos os maiores de idade ao ensaio clínico que estuda a eficacia da vacina fronte ao virus respiratorio sincitial, e no que participaron xa vinte mil galegos | En 2025 certificaron a chegada a Compostela máis de 530 mil peregrinos, superando por primeira vez o medio millón. Case a metade, o 45 por cento,elixiron o Camiño francés, pero aumenta a afluencia nos Camiños portugueses tradicional ou pola Costa