Telexornal Galicia 2 10-04-2025

Protestas por toda Galicia das traballadoras de residencias de maiores públicas e privadas. Denuncian falla de medios materiais e humanos, a psiquiatrización destes centros e malas condicións laborais. En Galicia hai máis de 22.000 prazas para maiores, tres de cada catro, públicas | Os traballadores do SEPE denuncian un colapso no servizo debido á falta de persoal e a un novo programa informático que dificulta os trámites das prestacións como a do desemprego | A partir de agora tódalas localidades de máis de 5000 habitantes deberán dedicar a lo menos un 8% do seu solo á construción de vivenda protexida | Entran en vigor os descontos da AP53 entre Santiago e Dozón. A partir de hoxe os traxectos de volta son gratuítos se se realizan no mesmo día | A DXT prevé dous millóns de desprazamentos en Semana Santa. Mañá comeza o dispositivo especial ata o 21 de abril | A Illa de Arousa pon couto á circulación de vehículos de persoas non residentes. O plan da nova mobilidade está en marcha, de momento en probas | Prohibidas as queimas particulares a partir de hoxe ata novo aviso | O Sergas pecha as unidades de atención os doentes de COVID persistente. A medida afecta a unhas 77.000 persoas en Galicia que tras padecer a enfermidade sofren síntomas de diversa índole que precisan de equipos pluridisciplinares. Serán atendidos como doentes crónicos | Segundo desprendemento dun teito no hospital de Ourense nunha semana | Os médicos forenses de Galicia reclaman gardas dun máximo de 24 horas, como as que teñen no resto do Estado español. Arestora as súas son de 168 horas, unha semana completa | Mulleres musulmás galegas denuncian a discriminación que viven na contorna | ‘Feriópolis' é o nome da cidade gobernada por nenos no último libro de Ledicia Costas. Con el, a escritora suma o premio Barco de Vapor, un dos galardóns de literatura infantil máis importante da fala hispana. Na nova obra aborda aspectos de fondo social