Telexornal Galicia 2 09-09-2025

Comparecencia do Presidente da Xunta, no Parlamento, sobre a vaga de incendios deste mes de agosto. Estimou a superficie queimada nunhas 120.000 hectáreas, das que un 60 por cento, dixo, corresponden a monte raso. Os líderes do BNG e do PSdeG cualifican de neglixente a sua xestión e pídenlle que dimita | A Volta Ciclista vive a segunda etapa en terras galegas, marcada polas protestas en apoio a Palestina e contra a presenza dun equipo israelí. Javier Romo, abandona tras sofrir as consecuencias da súa caída polos intentos dun manifestante de achegarse á calzada | Os sindicatos médicos Omega e Simega convocan unha folga para o próximo día 3 de outubro, en demanda dun estatuto propio. Din que o seu traballo ten características singulares respecto ao resto do persoal sanitario | O deseñador gráfico coruñés Manu Viqueira coróase como rei do collage animación co vídeo do novo single de Robert Plant, ex lider de Led Zeppeling. Un encargo que recibiu para rematar en tempo record