Telexornal Galicia 2 09-02-2026

Atrasos e viaxes canceladas, debido á folga de traballadores de Renfe, que acaba de ser desconvocada, ao chegar a un acordo os sindicatos convocantes co ministerio de Transportes | En Lugo comezan os traballos de restauración da parte interior da muralla que se derrubou a consecuencia do temporal esta fin de semana. O muro caído non era orixinal romano, senón de hai cen anos | A Garda Civil investiga quen pode ser a muller que apareceu morta no encoro de Castrelo de Miño. Polo estado de descomposición do corpo, levaba varios días na auga. Atopárona de casualidade dous veciños da zona | | O grupo folk galego Luar na lubre prepara unha viaxe a América no seu 40 aniversario. Visitarán varias cidades de Arxentina, Uruguai e Chile. A xira, na que colabora a Xunta, quere acercar a música aos emigrantes e fomentar a imaxe de Galicia no exterior