Telexornal Galicia 2 - 07/09/15

Esta tarde reciben sepultura, en cemiterios coruñeses de Carral e Cambre, as 6 vítimas, iniciais do accidente do rally de Carral do pasado sábado. Das dezaseis persoas que resultaran feridas, só 4 seguen hospitalizadas. Dúas están graves, un neno, e un adulto // 5.000 tractores chegan a Santiago para unha nova  protesta polos baixos prezos do leite. Prevén manterse na capital galega durante catro días, á espera dos resultados da xuntanza deste xoves en Madrid, entre o sector e o ministerio de agricultura // Detido en Vigo un home en relación coa morte da súa parella, unha muller de 46 anos, de nacionalidade brasileira. Segundo a Policía, o detido, un vigués ,de 31 anos,presentouse en comisaría dicindo que discutira coa súa noiva, e que a matara accidentalmente. 07/09/15