Telexornal-Galicia 2 - 07/08/14

Rematou a folga dos traballadores da recollida do lixo de Lugo, logo do acordo da pasada madrugada.   A limpeza empezará hoxe e agárdase que en dous ou tres días a cidade recupera a súa imaxe normal, sen acumulacións de refugallos. 

  A  consellería do mar  aclara  que se pode consumir mexillón con total tranquilidade, se  se compra nas canles legais.  Unha advertencia que se produce logo de que dúas persoas tiveran que ser hospitalizadas por consumiren molusco  mercado directamente a un bateeiro, cando había marea vermella.

  O mundo do cómic ten cita obrigada estes días  na Coruña, no certame Viñetas  dende  o  Atlántico. Durante toda a semana,  autores consagrados,e tamén os novos, de distintos países, exhiben a súa mestría co tebeo. (07/08/14)