Telexornal Galicia 2 01-08-2025

Nova investigación na localidade do Porriño, pola morte dunha muller de 53 anos. O seu corpo apareceu no interior dun domicilio con signos de violencia. A voz de alarma deuna un particular que entrou na vivenda esta mesma mañá, e atopou o cadáver no interior | A policía investiga unha agresión sexual en plena praza de España de Ferrol. Hai un detido e non se descartan máis arrestos. A vítima, de 18 anos, chegou ao hospital con lesións por recibir, tamén, unha malleira pero está fóra de perigo | Un consello extraordinario da Xunta aprobou hoxe o primeiro paso para os orzamentos autonómicos do ano que vén. O teito de gasto, que ascende a máis de 14mil millóns de euros. Trátase dun orzamento récord, que supón unha suba do 1,6% respecto ao deste ano| O Tribunal de Xustiza da Unión Europea avala o proceso de concesión de licencias de parques eólicos por parte da Xunta. É a resposta á cuestión prexudicial solicitada polo Tribunal Superior galego, que mantén actualmente paralizados de xeito cautelar 70 proxectos na nosa comunidade | O Festival Sonrías Baixas en Bueu reunirá ata o domingo moita xente e boa música. No cartel do festival... mestúranse grupos nacionais e galegos |