Telexornal Galicia 19-06-2025

Salientable movemento do mercado inmobiliario en Galicia por riba da media de España cun incremento no mes de abril de case un 17% respecto ao mesmo mes do ano pasado | Dúbidas sobre a viabilidade do acordo entre Alcoa e IGNIS. Sindicatos revelan que a enerxética non ten empregados e dedícase ao cultivo de pistachos | Estrella Galicia abre a que será a maior fábrica de cervexa de España e unha das cinco máis grandes do continente europeo. ‘Hijos de Rivera’ inaugurou hoxe a primeira fase en Arteixo. As novas instalacións xeran 125 empregos, e cando estea finalizada superarán os 600 traballos directos e os dez mil indirectos | Malestar entre os feirantes de Vigo pola negativa do goberno local a validar os permisos para o uso de atraccións nas festas locais. As de Cabral, Fragoselo ou O Calvario non contaron este ano con ningunha destas construcións nas celebracións. Tampouco o farán as de Coia. O Concello di que se limita a cumprir a lei | Un paciente do hospital vigués Álvaro Cunqueiro é o primeiro de España en recibir terapia xénica para tratar a hemofilia B, a menos frecuente. O medicamento, un dos máis caros que se administra no mundo, rolda os dous millóns de euros e permite reducir a unha dose as inxeccións regulares coas que se controla a enfermidade | A Xunta comprométese a renovar o sistema de climatización da residencia de maiores DomusVi de Santiago despois de que o sindicato USO denunciara a situación de usuarios e profesionais no centro estes días soportando temperaturas superiores aos 30 graos | Arranca o europeo de baloncesto para a Selección Española. Entre as doce seleccionadas polo adestrador vigués Miguel Méndez, tres galegas: as xogadoras do Valencia Basket María Araújo e Raquel Carrera; e Paula Ginzo, que milita actualmente no Jairis | O Tribunal Supremo condena aos Franco a devolverlle ao Concello de Santiago dúas esculturas do Mestre Mateo -as imaxes de Abraham e Isaac-, que formaban parte do Pórtico da Gloria da Catedral | Como era a relación de Camilo José Cela coas mulleres? Unha mostra de Santiago aborda esta cuestión a través de documentos que reflicten o seu trato con escritoras e artistas da súa época