Telexornal-Galicia - 18/06/14

Tomou posesión do seu cargo a nova conselleira de medio ambiente. Ethel Vázquez, de 41 anos, enxeñeira de camiños e ata agora directora xeral na Xunta farase cargo do departamento que dirixía ata hoxe Agustín Hernández, que deixa o goberno galego para facerse cargo da alcaldía de Santiago // O concello de Lugo vai solicitar a intervención da Unidade Militar de Emerxencia para que retire o lixo acumulado nas rúas da cidade, logo de nove días de folga dos traballadores da empresa concesionaria do servizo de recollida. Pedirá que o Exercito actúe nos puntos onde a presenza de residuos provoque situacións de risco sanitario // Vía libre, no Concello de Santiago para que o ata hoxe Conselleiro de Medio Ambiente, Agustín Hernández, chegue á alcaldía. O Pleno formalizou a renuncia de oito concelleiros do Partido Popular e deuse por enterado dos nomes propostos para acompañar ao novo rexedor no Goberno Municipal. 18/06/14