Telexornal Galicia 18-03-2025

Alfonso Rueda acorda co seu homólogo de Andalucía, Juanma Moreno, compartir software para mellorar a Formación Profesional. Ambos presidentes rexeitan o plan do Goberno do Estado para o reparto, entre as diferentes Comunidades Autónomas, dos migrantes menores agora acollidos en Canarias | Máis accións contra a construcción da fábrica de celulosas de Altri. Este martes os alcaldes da Mancomunidade Barbanza Arousa amosaron o seu rexeitamento ao proxecto en bloque. En Vigo, grupos ecoloxistas manifestáronse no edificio da Xunta e 100 persoas queren personarse como afectados polo proxecto | Prohibida a captura do polvo do 1 de abril ata o 30 de xuño. A Xunta e o sector acordan un paro biolóxico dun mes e unha veda de dous meses máis para recuperar a especie. Estamos ante a maior escaseza en 25 anos | En Lugo, o xulgado mercantil aprobou a venda de Pescados Rubén, en concurso de acredores dende hai un mes | O Deportivo acada un valioso empate na súa visita ao Castellón. Foi un partido aberto, con alternativas no xogo e no marcador, que permite aos coruñeses manter a distancia coa zona de descenso